Giustitzia pro unu frore...Dae Liànora a Luisa....

In sa die internatzionale contra de sa violèntzia contro de sas fèminas, mi piaghet ammentare duas fèminas sardas.
Sa prima est cussa de Liànora de Bas- Serra, sa giudichissa de su Rennu de Arbarèe chi a innantis de lassare su gubernu de su rennu suo a su fìgiu, in su 1392 aiat promugadu sa Carta de Logu, una collida de leges, in sa cale, in s'artìculu 21 faeddat de sas penas pro sos òmines chi faghiant male a sas fèminas. 
Su testu de s'artìculu est su sighente: 

"Volemus et ordinamus qui si alcuno homini levarit per forza muleri coyada, o ver alcuna atera femina qui esseret iurada, o isponxelarit alcuna virgini per forza, et de•ssas secundas causas esseret legitimamenti binquido, siat iuygado qui paghit pro sa coyada liras .D.; et si non paghat infra dies .XV. de c'at esser iuygadu, siat illi segadu uno pee pro modu qui•llu perdat. Et pro sa bagadia siat iuygadu qui paghit liras .CC., et siat anchu tenudo pro levarela pro mugere, si est senza maridu, e plaquiat a sa femina; et si non la levat pro mugere, siat anchu tentu pro coyarela secundu sa conditioni de sa femina, et issa qualidadi de•ssu homini. Et si cussas causas issu non podet faghire a dies .XV. de c'at essere iuygadu,siat illu segado s'unu pee per modu que lu perdat. Et pro sa virgini paguit sa simili pena et si non adi dae hui pagare seguint illu uno pee, ut supra”.

Sa segunda fèmina de ammentare est Luisa Manfredi, sa pitzinna de Lùvula, chi est istada morta dae banda manu isconnotta in sa die de su 25 de santandria de s'annu 2003. Sunt passados 12 annos e non b'at istada galu giustìtzia pro custa pitzinna: non s'ischit a die de oe, chi est, chi sunt istados sos mortores suos. 

Pro l'ammentare mègius pòngio su ligàmine de su vìdeu de sa cantone de sos ISTENTALES: https://www.youtube.com/watch?v=Q2HLiR05VcU.